"Jeevan Yatra"

jindagi me aksar kyo aise mod aate hai.
jab apne bhi saath chhod jaate hai..
rota, bilakhta, hatash, paresaan!

aur chhod jaate hai apni yaaden.
jo harjaai na jeene deti hai, na marne deti hai..

isi kasmakash ke beech---
ek shor sunai deta hai.
ye sangeet kuchh jaana pehchana sa lagta hai..
tabhi dil se aawaz aati hai--
mere yaha kuchh naye mehmaan aaye hai.
hum samajh gaye, hamne kuchh naye dost banaye hai..

naye utsaah, nai umag, nai ummed ne puraane ghaavo ko bhar diya.
hamne ek bar phir, aatmsamarpan kar diya..
unke ehsaas, unki baato me hum utarte chale gaye.
pata na chal vo dost kab apne se ho gaye..

par--
ajj jindagi me phir ek mod aaya hai.
mooltah itihas ne khud ko dohraya hai..
par ab na to aansu bahte hai, aur na pair rukte hai.
kyoki mujh moodh ko ab jaakar samajh me aaya hai.
ki--
jeevan ko jindadili se vahi pathik jee paya hai..
jo har shor ko dhang se samajh paya hai.
jisne har mod ko has kar gale lagaya hai..




...................ur comments are invited at this effort.


varun mishra "ask"